Монголын хөлбөмбөг сонирхогчдын хувьд шинэ, сонирхолтой боломж нээгдэж байна. MPL Fantasy тун удахгүй албан ёсоор нээлтээ хийх гэж буй бөгөөд энэ нь хөгжөөн дэмжигчдэд лигийн тоглолтыг илүү гүнзгий түвшинд мэдрэх, тоглогчдын гүйцэтгэлийг дүгнэх, стратеги боловсруулах боломжийг олгох юм.
MPL Fantasy нь Монголын Премьер Лигийн бодит тоглогчдоос виртуал баг бүрдүүлж, тэдний бодит амьдрал дахь тоглолтын үр дүнгээс оноо тооцон өрсөлдөх тоглоом юм. Энэхүү платформ нь оролцогчдод стратегийн ур чадвараа хөгжүүлэх, лигийн явцыг илүү анхааралтай ажиглах боломжийг олгох, чөлөөт орчин.
- Баг бүрдүүлэх: Оролцогчид тодорхой төсвийн хүрээнд MPL-ийн тоглогчдоос сонгон өөрийн багийг бүрдүүлнэ.
- Багийн удирдлага: Долоо хоног бүр гарааны 11 тоглогчоо сонгож, ахлагч томилох бөгөөд стратегийн дагуу өөрчлөлт хийх боломжтой.
- Оноо тооцох систем: Тоглогчид бодит тоглолтын үр дүнд суурилж оноо авах бөгөөд гоол, дамжуулалт, хаалгачаар хаалт хийх зэрэг нь нэмэх оноо авчирна. Харин шар болон улаан хуудас авах, торгуулийн цохилт алдах зэрэг нь оноо хасагдах шалтгаан болно.
- Лиг болон өрсөлдөөн: Оролцогчид хувийн болон олон нийтэд нээлттэй лигүүдэд өрсөлдөж, оноогоороо бусад менежерүүдтэй уралдах боломжтой.
- Өөрийн дуртай баг, тоглогчдоо илүү сайн таних: Fantasy тоглоом нь таныг лигийн үйл явцтай илүү ойртуулж, оролцогчид багуудын тоглолтын хэв маяг, тоглогчдын гүйцэтгэлийг нарийвчлан судлах боломжийг олгоно.
- Найз нөхөд, хамт олонтойгоо өрсөлдөх боломж: Чөлөөт цагаараа найзуудтайгаа хамт хувийн лиг үүсгэж, оноогоороо өрсөлдөн хэн нь хамгийн шилдэг менежер болохоо сорьж, хамтдаа чөлөөт цагаа чанартай өнгөрөөх боломж .
- Тактикийн ур чадвараа хөгжүүлэх: Fantasy тоглоом нь зөвхөн аз биш, бодит стратеги шаарддаг тул баг бүрдүүлэлт, тоглогчийн гүйцэтгэл дүгнэх чадвар, шийдвэр гаргах ур чадварыг сайжруулахад тустай.
- Хөлбөмбөгийг шинэ өнцгөөс үзэх боломж: Fantasy-д оролцсоноор зөвхөн өөрийн дуртай багийг бус, бүх тоглолтын үр дүнг анхааралтай хянах хандлагатай болж, хөлбөмбөгийн талаар илүү өргөн хүрээний мэдлэгтэй болно.
MPL Fantasy-ийн нээлтийн албан ёсны тов тун удахгүй зарлагдах ба оролцогчид шинэ мэдээлэл, бүртгэлийн заавар болон тоглоомын дүрмийн талаар илүү дэлгэрэнгүй мэдээллийг Mongolian Premier League Fantasy албан ёсны сувгуудаас аваарай.
